ನಮಸ್ಕಾರ ರೈತರೇ, ರಾಜ್ಯ ಸರಕಾರದಿಂದ ಸತತ 8 ವರ್ಷಗಳಿಂದ ಮಾಡುತ್ತಾ ಬರುತ್ತಿರುವ ಬೆಳೆ ಸಮೀಕ್ಷೆಯನ್ನು ಕಾಲ ಕಾಲಕ್ಕೆ ರೈತರ ಪಹಣಿ/RTC ಗೆ ದಾಖಲಿಸಲಾಗುತ್ತದೆ. 2024ರ ಮುಂಗಾರು ಹಂಗಾಮಿನಲ್ಲಿ ನಡೆದ ಸಮೀಕ್ಷೆಯ ವರದಿಯನ್ನು ರೈತರ ಪಹಣಿ/RTC ಗೆ ದಾಖಲಿಸಲಾಗಿದ್ದು ಅದನ್ನು ಹೇಗೆ ನೋಡಬೇಕು ಎಂದು ಈ ಲೇಖನದಲ್ಲಿ ತಿಳಿಸಲಾಗುತ್ತದೆ.
ರೈತರು ತಮ್ಮ ಜಮೀನಿನ ಬೆಳೆಗಳನ್ನು ಸಮೀಕ್ಷೆ ಮಾಡಲು 2-3 ವರ್ಷಗಳಿಂದ ರೈತರ ಬೆಳೆ ಸಮೀಕ್ಷೆ ಆ್ಯಪನ್ನು ರಾಜ್ಯ ಸರಕಾರವು ಬಿಡುಗಡೆ ಮಾಡಿದೆ. ಆದರೂ ಸಹ ತುಂಬಾ ಜನ ರೈತರು ತಮ್ಮ ಜಮೀನಿನ ಬೆಳೆಗಳ ಸಮೀಕ್ಷೆಯನ್ನು ತಾವೇ ಮಾಡಿಕೊಳ್ಳದೆ ಹಾಗೇ ಬಿಟ್ಟಿರುತ್ತಾರೆ. ಅಂತಹ ರೈತರ ಜಮೀನನ ಬೆಳೆ ಸಮೀಕ್ಷೆಯನ್ನು ಕೃಷಿ ಇಲಾಖೆ, ಕಂದಾಯ ಇಲಾಖೆ, ತೋಟಗಾರಿಕೆ ಇಲಾಖೆಗಳ ಸಹಕಾರದಿಂದ ಖಾಸಗಿ ನಿವಾಸಿಗಳನ್ನು ನೇಮಿಸಿ ಸಮೀಕ್ಷೆ ಮಾಡಲಾಗುತ್ತದೆ.
ಆದ್ದರಿಂದ ರೈತರು ತಮ್ಮ ಮೊಬೈಲ್ ನಲ್ಲೇ ಪಹಣಿಯಲ್ಲಿ ದಾಖಲಿಸಿದ ಬೆಳೆ ಮಾಹಿತಿ (Crop details in rtc) ತಿಳಿಯಲು ಏನು ಮಾಡಬೇಕು ಮತ್ತು ಹೇಗೆ ನೋಡಬೇಕು ಎಂದು ತಿಳಿಸಿಕೊಡಲಾಗುತ್ತದೆ. ಪಹಣಿ/ RTCಗಳಲ್ಲಿನ ಬೆಳೆ ವಿವರಗಳನ್ನು ಏನು ದಾಖಲಿಸಲಾಗಿದೆ ಎಂದು ನೋಡಬಹುದು.
ಇದನ್ನೂ ಓದಿ:ಬೆಳೆ ವಿಮೆ ಹಣ ನಿಮಗೆ ಇನ್ನೂ ಬಂದಿಲ್ಲವೇ ನಿಮ್ಮ ಅರ್ಜಿ ಸ್ಥಿತಿ ನೋಡಲು ಇಲ್ಲಿದೆ ಮಾಹಿತಿ.
Crops details in RTC- ಪಹಣಿ/Rtc ಯಲ್ಲಿ ಬೆಳೆ ವಿವರ ದಾಖಲೆ ಏಕೆ ಮಾಡಬೇಕು?
ಅನೇಕ ರೈತರಿಗೆ ಈ ಮಾಹಿತಿ ಗೊತ್ತಿರುವುದಿಲ್ಲ. ನಮಗೆ ಬೆಳೆ ವಿಮೆ, ಬೆಳೆ ಪರಿಹಾರ, ಬೆಳೆ ಸಾಲ, ಬೆಂಬಲ ಬೆಲೆ ಯೋಜನೆಗಳ ಲಾಭ ಮತ್ತು ಆರ್ಥಿಕ ನೆರವು ಸಿಗದೆ ಇರಲೂ ಅನೇಕ ಕಾರಣಗಳಿವೆ. ಅದರಲ್ಲಿ ಈ ಬೆಳೆ ಸಮೀಕ್ಷೆ ಮಾಡದೇ ಇರುವುದು ಒಂದು ಕಾರಣವಾಗಿದೆ. ಉದಾಹರಣೆಗೆ ನೀವೂ ಅಡಿಕೆ, ಕಾಳುಮೆಣಸು ಬೆಳೆಗೆ ವಿಮೆ ಮಾಡಿಸಿದ್ದರೆ ಬೆಳೆ ಸಮೀಕ್ಷೆಯಲ್ಲಿ ತೆಂಗು ಅಥವಾ ಪಾಳು ಎಂದು ಬಂದರೆ ನೀವು ಕಟ್ಟಿದ ಬೆಳೆ ವಿಮೆ ನಿಮಗೆ ಪಾವತಿಯಾಗುವುದಿಲ್ಲ.
ಇದೇ ಮಾದರಿಯಲ್ಲಿ ಕೃಷಿಸಾಲ, ಬೆಳೆ ಸಾಲ, ವಿವಿಧ ಇಲಾಖೆಗಳ ಬೆಳೆಆಧಾರಿತ ಸಹಾಯಧನ ಸೌಲಭ್ಯಗಳು ಯೋಜನೆಗಳ ಲಾಭ ಪಡೆಯಲು ಬೆಳೆ ಸಮೀಕ್ಷೆಯ ವಿವರಗಳನ್ನೆ ಪರಿಗಣಿಸಲಾಗುತ್ತದೆ. ಆದ್ದರಿಂದ ಬೆಳೆ ಸಮೀಕ್ಷೆಯ ವಿವರದಲ್ಲಿ ಬೆಳೆ ವಿವರಗಳನ್ನು ರೈತರು ಸರಿಯಾಗಿ ದಾಖಲೆ ಮಾಡಿಕೊಳ್ಳುವುದು ಅತೀ ಮುಖ್ಯವಾಗಿದೆ.
ಇದನ್ನೂ ಓದಿ:ಕಂದಾಯ ಇಲಾಖೆಯ ಹಣ ಬರುವ ಯೋಜನೆಗಳು!
How to Check Crop Survey Details-ಮೊಬೈಲ್ ನಲ್ಲೇ ನಿಮ್ಮ ಪಹಣಿ/Rtc ಯಲ್ಲಿ ದಾಖಲಾದ ವಿವರಗಳನ್ನು ನೋಡುವ ವಿಧಾನ:
ಕರ್ನಾಟಕ ಸರಕಾರದ ಇ-ಆಡಳಿತ ಇಲಾಖೆಯಿಂದ ಅಭಿವೃದ್ಧಿಪಡಿಸಿರುವ ಅಧಿಕೃತ bhoomi online land records ವೆಬ್ಸೈಟನ್ನು ಭೇಟಿ ಮಾಡಿ ಈ ಕೆಳಗಿನ ವಿಧಾನಗಳನ್ನು ಅನುಸರಿಸಿಕೊಂಡು ನಿಮ್ಮ ಮೊಬೈಲ್ ನಲ್ಲಿ ನಿಮ್ಮ ಜಮೀನಿನ ಸರ್ವೇ ನಂಬರನಲ್ಲಿ (RTC) ದಾಖಲೆಯಾದ ಬೆಳೆ ವಿವರಗಳನ್ನು ಪಡೆಯಬಹುದು.
ವಿಧಾನ-1:ಇಲ್ಲಿ ನೀಡಲಾದ bhoomi online ಈ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಅಧಿಕೃತ ಜಾಲತಾಣವನ್ನು ಪ್ರವೇಶ ಮಾಡಬೇಕು.
ವಿಧಾನ-2:ನಂತರ ನಿಮ್ಮ ಜಿಲ್ಲೆ, ತಾಲೂಕು, ಹೋಬಳಿ, ಗ್ರಾಮ.ಹಳ್ಳಿ ಆಯ್ಕೆ ಮಾಡಿ survey number ಹಾಕಿ “GO” ಒತ್ತಬೇಕು. ಮತ್ತೆ ಹಿಸ್ಸಾ ನಂಬರ್ ಆಯ್ಕೆ ಮಾಡಿ “Fetch details” ಕ್ಲಿಕ್ ಮಾಡಬೇಕು.
ವಿಧಾನ-3:ಆಗ ನಿಮಗೆ ನಿಮ್ಮ ಸರ್ವೇ ನಂಬರನ ಎಲ್ಲಾ ರೈತರ ವಿವರ ತೋರಿಸುತ್ತದೆ. ಇಲ್ಲಿ ಪಕ್ಕದಲ್ಲಿ ಕಾಣುವ “VIEW” ಮೇಲೆ ಕ್ಲಿಕ್ ಮಾಡಿದರೆ ನಿಮ್ಮ ಪಹಣಿ/Rtc ತೆರೆದುಕೊಳ್ಳುತ್ತದೆ. ಅದರಲ್ಲಿ ಬೆಳೆಯ ಹೆಸರು ಕಾಲಂ ನಲ್ಲಿ ಯಾವ ಬೆಳೆ ನಮೂದಿಸಲಾಗಿದೆ ಎಂದು ಕಾಣುತ್ತದೆ.
ಹೆಚ್ಚಿನ ಮಾಹಿತಿಗೆ ಬೆಳೆ ದರ್ಶಕ ಆ್ಯಪ್ ನಲ್ಲಿ ಚೆಕ್ ಮಾಡಿಕೊಳ್ಳಿ.
